انا وسلفتي _كامله _بقلم هويدا زغلول

ياهيام هتاخد منه قرص في العصير بعد الفطار طبعا رمضان بكرة ولو هي هتصوم يعني تمام بس خلي بالك هو قرص واحد بس كل يومين عشان لو الجرعة زادت عن كده عقلها ممكن يروح منها ومتفتكرش حاجة
وجاتلي هيام وقالتلي 
خودي ياسماح البرشام اهو هتحطي قرص منه في العصير وتشربيها منه كل يوم بعد الفطار ماشي
سماح 
والله يا بت يا هيام انا مش عارفه اشكرك 
ازاي علي اللي عملتي ده
هيام 
مش ببلاش يا حبيبتي اه المفروض 
ينوبني من الحب جانب مش انتي تخدي 
فلوس وانا افضل عايشه في الفقر 
طول عمري
سماح 
عيب عليكي الله انا عينا ليكي بس يحصل اللي انا 
عايزه اقعدي بقي اتسحري معانا
هيام 
لا مش هينفع لازم اروح بسرعه قبل ما امك 
تتصل وتزعق ليا ان اتاخرت 
ومشيت وبعدها روحت ل امال
امال 
ايه الاخبار ياسماح هيام جبتلك الحاجة
سماح 
اه يا امال ربنا يستر بقا
وتاني يوم أول يوم رمضان حماتي الصبح قالت 
انا عايزة اكل النهارده حلو كده يا امال انتي وسماح عايزاكم تشرفوني اختي جايه هي وعيالها
امال 
حاضر ياماما هنعمل كل حاجة انتي عايزاها
وجه وقت الفطار والكل اكل وبعد الاكل حطيت لحماتي القرص في العصير ولقيت مازن ابني دخل يقولي 
ماما انا كنت عايز ايه ده هو انتي حطيتي ايه في العصير ياماما
سماح ارتبكت 
ده ده سكر دايت عشان انا بعمل رجيم وكده انت كنت داخلي وعايز ايه
مازن 
اصلي كنت عايز اروح الجامع عشان اصلي التراويح مع عمو ابراهيم جارنا وعلى ابنة ممكن اروح
سماح 
طيب روح بس اول ما الصلاه تخلص تيجي علطول اوعي تلعب في الشارع
ودخلت امال قالتلي
عملتي ايه ياسماح
سماح 
ينهار طيب وعملتي ايه وقولتي له ايه ياخايبة وانتي ازاى تخليه يشوفك
سماح 
منا مكنتش عارفه انه داخلي المطبخ وقولت له ده سكر دايت عشان الرجيم
امال 
ربنا يستر طيب يلا روحي اديها العصير
وشربت حماتي العصير وبقيت كل يوم اعمل كده واحطلها البرشام في العصير وفي يوم كانت الساعه 12 بالليل لقيت حماتي قالت 
هو المغرب هياذن امتى ياولاد ماتشوفو كده لحسن اليوم طويل النهارده
بصينا انا وامال لبعض باستغراب ومازن ابني قالها 
مغرب ايه ياتيتة بس دي الساعة دلوقتي 12 يعنى هنتسحر كمان شوية
حماتي بصت لمازن وقالتله 
انت مين يابني وايه اللي جابك عندي هنا
سماح 
ايه ياماما مالك هو انتي مش فاكرة ابن محمود ابنك ولا ايه
سعاد 
محمود ابني ابن الكلب اللي بعته يجيب العيش من الصبح مجاش لحد دلوقتي طيب لما يرجع بس انا هضربة بالشبشب
امال قالتلي بصوت واطي 
الحقي ياسماح هي الوليه مالها يادي النيلة ايه اللي جرا لعقلها
سماح 
مش عارفة يابت يلهوي انا خاېفة اوي اسكتي دلوقتي لحسن العيال تاخد بالها مننا
مازن 
محمود بابايا مسافر ياتيتة ولسه مش هيرجع
غير بعد العيد هو قالي كده
سعاد 
ياواد انت مين ياوالا اسمك ايه
مازن عيط وقال
مالك ياتيتة هي تيتة مالها ياماما
سماح 
ودخل مازن نام وامال نيمت عيالها وقالتلي 
يلا ناخد الفلوس من الدولاب هي كده بقت في التراوة يابت ياسماح
سماح 
يلهوي دي صعبانة عليا يا امال انا خاېفة الوليه تتجنن بجد تبقا مصېبة
امال 
خلاص بقا ياسماح اللي حصل حصل
سماح
طيب يلا بسرعة قبل ماحد يشوفنا من العيال
واخدنا الفلوس من الدولاب اللي حماتي بتحط فيه الفلوس
سماح
ااه مانتي بقا معاكي فلوس بقا وكده
سماح
ااه الفلوس حلوه اوي دي بتخلي الواحد نفسيته متظبطة
تاني يوم الصبح لقيت حماتي في اوضتها بتنادي عليا وبتقول
بت ياسماح ياسماح
سماح
نعم ياماما بتنادي عليا
سعاد
ايوه متعرفيش انا حطيت الفلوس فين ياسماح اصلي يابنتي عايزة اروح التأمين عشان اصرف العلاج بتاعي وعايزة فلوس عشان المواصلات
سماح
وانا اش عرفني ياحماتي الفلوس فين مانتي اللي بتعنيها
لقيت مازن داخل عندها وقالها
انتي عاملة ايه